O Concello das Somozas organiza unha visita guiada ao arquivo municipal o 9 de xuño, no marco do Día Mundial dos Arquivos.
Esta iniciativa ten o obxectivo de achegar a historia local e que a veciñanza poida descubrir os tesouros documentais que se custodian nas dependencias municipais.
A actividade consistirá nunha visita guiada que se celebrará este martes, 9 de xuño, en horario de 12:00 a 14:00 horas. (escollendo a quenda: 12.00-12.30, 12.30-13.00, 13.30-14.00) O punto de encontro e desenvolvemento do evento será a propia Casa Consistorial das Somozas, onde as persoas asistentes poderán coñecer de primeira man o funcionamento e o valor do arquivo histórico.
A xornada é para todos os públicos e de balde e para poder participar é imprescindible formalizar unha inscrición previa a través desta ligazón. As persoas interesadas tamén poderán obter máis informacion de xeito presencial na Axencia de lectura, enviando un correo electrónico a [email protected] ou chamando ao teléfono 881 048 466.