O proxecto ‘O documento do mes do arquivo municipal’ celebra o mes das bibliotecas, adicando este mes de outubro á primeira axencia de lectura das Somozas creada en 1984.
Así, na vitrina da planta baixa da casa Consistorial están expostos os documentos do amaño da antiga escola das Somozas para albergar a biblioteca en 1990; a dotación de persoal en 1995; as estatísticas de uso de 1991 a 2003; e o exemplar “Las mil y una noches” enviados ao Concello desde a Dirección Xeral de Instrución Pública do Ministerio de Fomento no ano 1894.
A finalidade desta iniciativa é dar a coñecer os textos valiosos e curiosos do fondo do arquivo municipal e achegar a historia do municipio a toda veciñanza.