Desde a Axencia de Lectura das Somozas animan e fomentan a lectura a través de O club das letras. 

Esta actividade vai destinada para público de 9-12 anos e terá dúas partes:
  1. A primeira, consiste en adiviñar títulos, autores, personaxes, refráns e resolver adiviñas por grupos nun formato de rosco como “pasapalabra”.
  2. Na segunda parte poderanse contar chistes, inventar e propoñer adiviñas e crear  historias propias en grupo ou de xeito individual.
Realizarase o primeiro mércores de cada mes, en horario de 18:00-19.00 h, na Axencia de Lectura Municipal das Somozas.

Precisa inscrición que poderá facerse no 881 04 84 66, a través do correo electronico [email protected] ou no propio centro cívico de 9.30 a 13.30 e de 16.30 a 20.00 horas.