O Departamento de Servizos Sociais das Somozas organiza un taller que leva por nome “Taller de habilidades cognitivas – obradoiro da memoria”, dirixido a persoas de 60 ou máis anos. Dará comezo o luns 9 de abril e terá lugar no Centro Cívico Municipal A Garita.
Os destinatarios desta actividade terán que cumprir o requisito de ter cumpridos os 60 anos.
Os días de realización serán os luns e mércores de 16:00h a 17:30h.
Para inscribirse é necesario achegarse ata as oficinas do Concello en horario de atención ao público de 10:00 a 14:00h, antes do día 6 de abril.