O Centro Cívico Sociocultural das Somozas acolle o 28 de marzo o espectáculo ‘Os contos de William Shakespeare’ da compañía Pedras de Cartón, a partir das 20:30 horas.
Os contos de William Shakespeare percorren as obras máis coñecidas do dramaturgo inglés, adaptadas para toda a familia e cunha linguaxe próxima. Desta forma abórdanse tres das pezas máis recoñecidas do autor: Romeo e Julieta contada con teatro de obxectos, Otelo convertendo os personaxes da obra nunhas rechamantes e coloridas letras; e Hamlet, contada en clave de comedia a partir dun peculiar xogo de cartas no que ninguén pode gañar.
Obra de teatro destianda a público familiar.
Actividade do programa Dinamiz-ARTj, que conta co apoio do Instituto para la Transición Justa (ITJ) e a Fundación Ciudad de la Energía (CIUDEN).
