As Somozas acollerá no mes de maio o Obradoiro ‘Coidados en pacientes inmobilizados: prevención de úlceras por presión e lesións asociadas a humidade’.
Esta formación terá lugar o martes, 6 de maio, en horario de 16:00 a 20:00 h, no salón de Plenos do Concello. Esta actividade vai dirixida a persoas dependentes, coidadores e á cidadanía xeral.
Os obxectivos desta promoción é formar aos alumnos no recoñecemento e prevención de lesións cutáneas relacionadas coa dependencia (LRCD).
O programa consta de:
• As Lesións por Presión (UPP) e as Lesións asociadas a Humidade (LAH) como principal problema nas persoas inmobilizadas
• O papel dos coidadores profesionais no coidado das LCRD
• Factores de risco das LCRD
• Zonas de risco LCRD
• Diferencias nos distintos tipos de LCRD: coñecer a súa etioloxía para previlas
• Prevención das UPP e LAH: Cambios posturais, manexo da humidade
A docente do programa son Ana Isabel Calvo Pérez, referente en feridas do SERGAS, e Directora Xeral de Asistencia Sanitaria do Programa Úlceras Fóra.
As persoas interesadas poden inscribirse no Departamento de Servizos Sociais, ou chamando ao 881.402.066
Actividade en colaboración ca Escola Galega de Saúde para Cidadáns.
Esta actividade non se considera formación continua para o persoal do Servizo Galego de Saúde.