O Concello das Somozas deu comezo as obras de construción da senda peonil que unirá a Igrexa con Castelo.
Esta intervención, que conta cun investimento de 107.336 euros, está subvencionada na súa totalidade a cargo da Deputación da Coruña ao abeiro do POS+2024.
A finalidade da execución destas obras é a mellora e conservación da infraestrutura da rede viaria do Concello, así como a mellora das condicións de vida e de traballo no medio rural, facilitando a accesibilidade da veciñanza.
Esta obra contempla a realización desta travesía peonil de 275 metros de lonxitude e 1,80 metros de ancho. Ademais, contémplase a canalización de pluviais, alumeado público e telecomunicación. A maiores contemplase a mellora de 2 treitos para aparcamento, a plantación de 3 árbores e a colocación de 2 bancos de pedra granítica
Tras a visita as obras, o alcalde, Juan Alonso, agradeceu “o apoio da Deputación que fan posibles estas melloras” e subliñou “a importancia destas actuacións para seguir mellorando as infraestruturas do municipio e facilitando o día a día da nosa veciñanza”.