O xoves, 17 de outubro, a veciñanza das Somozas terá a oportunidade de acudir á función ‘Terceiro Acto’, do Centro Dramático Galego.
Esta actividade, organizada polo programa de mobilidade do Centro Dramático Galego, desprazará aos veciños e veciñas que o desexen desde As Somozas ata o lugar da actuación, no Salón Teatro en Santiago de Compostela e terá un custo de 5 euros.
O horario programado da visita é o seguinte:
- Saída desde o Centro Cívico Sociocultural ás 15:00 horas.
- Hora función ás 18:00 horas.
- Volta ás Somozas de seguido ao remate da función, ás 20:30 horas.
Inscricións chamando ao teléfono 881 048 466, ou de forma presencial nas instalacións do Centro Cívico en horario de 9:30 a 13:30 horas.
Subídesvos o autobús do teatro?