Con motivo do Día da Diversidade Sexual, que se conmemora o vindeiro 28 de xuño, a fachada da casa do Concello das Somozas xa loce a bandeira do Orgullo LGTBIQ+.
Así, As Somozas súmase, un ano máis á campaña ‘Liberdade de Ser e Sentir’, que promove a Deputación da Coruña. Unha iniciativa viva, participada e transformadora que aposta pola igualdade, a tolerancia e o respecto cara a todas as persoas, independentemente da súa orientación sexual ou identidade de xénero.
Na web oficial da campaña atoparedes materiais didácticos, propostas culturais e obradoiros para seguir traballando por unha sociedade máis diversa e inclusiva: https://seresentir.gal/
