Debido ás necesidades técnicas da empresa, a función prevista para este venres, ‘Ándele! Bon Appêtit!’ queda substituída pola obra de teatro ‘Historias para Escagarriñarse’.
Deste modo, a partir das 12:30 horas o Centro Cívico Sociocultural das Somozas recibirá a tres feirantes que percorren o mundo contando vellas historias da cultura popular que espertarán a atención do público, imprescindible para que os seus contos poidan ser narradas.
‘Historias para Escagarriñarse’ está dirixida a todos os públicos e enmarcada na programación da Rede Cultural da Deputación da Coruña.
